移民韓國唔使服兵役

【明報專訊】最近唔少港人對香港未來的前途變得悲觀，並且有不少人正部署移民大計。較早前已經有歐洲國家如葡萄牙大搞投資移民，向中、港、澳三地人士招徠，畀申請人係當地置業攞歐盟護照。另不少港人計劃移居台灣或新加坡。時富金融（0510）就搞搞新意思，畀人探路去韓國投資移民，索性開多條路畀嗰啲想離開香港避亂嘅人士諗諗。


據講，自從時富開咗呢個計劃以來，查詢得最多嘅竟然係港人，佢地仲安排有意移居當地人士去濟州泰迪高爾夫別墅體驗番吓。據講如果要入籍當地，只需50萬美金購買房產就可以搞掂，唔使去到葡國山長水遠，嘢食亦較啱港人胃口。


聽講有意申請去當地嘅朋友，問得最多嘅問題，主要圍繞係使唔使服兵役。不過原來若當事人同佢啲仔女成功申請的話，理論上佢地唔使服兵役，佢地下一代先要服，所以最終都唔少人心郁郁咁話喎！


email: piano@mingpao.com

[小琴密語]