佔中滿月 戴耀廷失黑髮「擴容量」

【明報專訊】佔領行動發生至今剛好一個月，佔中發起人之一戴耀廷（Benny）噚日喺商台《在晴朗的一天出發》被問到呢個月最大得失分別係乜，佢話最大得着係體驗到時刻要面對危機，以及唔可能預測嘅情况，同喺大學教書時好唔同，形容係「整個人生一次學習」；至於最大「損失」，佢笑住話係「睡眠、體重同黑髮」，但佢認為喺好多唔同處境上，眼前好多嘅「失」，最終其實係「得」。


早前有傳Benny月初政府擱置同學生對話時情緒崩潰，佔領期間一度疑似患上自閉症，唔想見人同多說話。Benny噚日喺節目上承認，佔中後情緒波幅比較大，但最近面對很多事情時，承受嘅衝擊比以往都大，家仍然思路清晰。佢舉例前日決定擱置投票，要面對自己做錯時曾經有掙扎，但出嚟面對公眾後發覺又「頂得順」，所以感恩自己「容量擴展」咗喎。