歐飛暫代公民黨總幹事

【明報專訊】公民黨總策劃幹事黃晙捲入涉嫌非禮事件，上星期五向公民黨請假，專心應付私人事務，令公民黨要急急搵人處理黨務。不過唔使幾日，佢哋已經有人選，呢個仲係「熟手技工」—當日因為讀書而離開嘅前總幹事歐陽志飛（歐飛），噚日起就重返公民黨，暫代總幹事一職。


歐飛同Emily講，自己只係非常時期幫吓手，做幾耐視乎自己搵工、黃晙幾時重返崗位等因素。其實歐飛喺英國讀咗一年書，只係返咗香港大約10日，見到舊東家有事就立即返去幫手，都算唔話得。