佔中前夕 佳叔千萬買新樓

【明報專訊】樓市仍然高企，有地產曾經以「佔中價」招徠。樓價會唔會因為佔中而大波動，家無人知，不過要入市嘅人亦毋懼佔中。好似全國政協委員、全國港澳研究會副會長劉兆佳，上個月23號，即係學生已經罷課、佔中啟動前一星期，就花逾1000萬買新樓嘞。


綜合土地註冊處及一手銷售網嘅資料顯示，佳叔同老婆郭麗梅等人，喺9月23號以約1062.8萬元購入恒地及新世界旗下嘅馬鞍山迎海一期1座高層E室，實用面積800方呎，單位屬於三房一套連工人套房間隔，實用呎價13,285元，另獲發展商回贈成交價4%，即係大約42.5萬元，作為「從價印花稅」回贈優惠。


不過噚日Emily搵唔到佳叔，所以唔知佳叔買樓究竟係自住定投資，以及佢買樓有咩心得等問題。