思捷馬浩思遭減花紅

【明報專訊】思捷環球（0330）轉型大計路途遙遙，高薪CEO的年終花紅也打了水漂。思捷2014年份年報就顯示，他們2012年從Zara重金禮騁嘅馬浩思（Jose Manuel Martinez），截至今年6月底嘅財政年度薪金高達3600萬元，其中花紅派咗125萬歐元。不過睇番佢當年嘅加盟條款，白紙黑字寫着「酌情花紅有機會150萬歐元」，頭兩年係保證花紅。即係話，今年應該係馬浩思加盟第二年，亦係第一個完整財政年度，不過花紅就冇派足150萬歐元，唔知係咪董事們嫌這個CEO轉型速度太慢了呢？不過，年薪去到3600萬元，喺上市公司裏都屬於打工皇帝之列，怪不得剛上任時馬浩思答傳媒，直認加入思捷「很舒服」。今年思捷雖然扭虧，但同店銷售同比減4.1%，再關閉119間店舖。小琴就覺得，坐擁高薪自然舒服，不過做CEO都要拿到成績出來，店舖「縮皮」唔係長遠之計，祝佢下年公司生意做好啲、花紅又派多啲啦！


[小琴密語]