勁過謝志峰 白姐姐勸掂維園阿伯

【明報專訊】港台節目《城市論壇》每星期都會有幾個阿伯趁直播期間，拎住個大聲公喺場外用粗口叫罵，即使主持人謝志峰不斷警告同怒視，啲阿伯都係當謝志峰透明。不過，噚日白韻琹（白姐姐）出馬，竟然可以勸服啲阿伯直播期間唔用大聲公。


噚日因為立法會議員謝偉俊（Paul）出席《城市論壇》，白姐姐就去咗捧場。阿Paul開場白透露，請咗白姐姐去同維園阿伯傾吓，叫佢哋唔好用大聲公。之後有個阿伯就大叫話「白姐姐軟性同我講，所以我畀面佢」。