新聞類別
財經
詳情#
【明報專訊】獨立股評人David Webb有個「雅號」叫「股壇長毛」，因為佢同「長毛」梁國雄一樣言行大膽、挑戰強權。原來Webb唔單止喺股壇大膽敢言，對佔中亦非常熱血，上星期六去咗金鐘演講，不但大談繁榮經濟體需要民主，仲串爆CY冇面留喺香港返咗廣東"口添"。
Webb話，世界上所有繁榮嘅大經濟體，都同時享有高度民主，如果中國希望成為世界級經濟體，而非維持「僅達到世界級經濟體20%水平」嘅現狀，就應該支持民主。佢形容中國係一條「漏水嘅船」，官員貪腐會令條船沉，唯有發展民主至救到中國。Webb引用鄧小平「讓一部分人先富起來」名言，話習近平應該「讓一部分人先享有民主」，呼籲香港要率先擁有民主選舉。
Webb喺演講仲暗諷CY呢幾日都唔蒲頭：「特首，如果你"口依"家喺廣東某間酒店房睇緊關於佔中嘅新聞，啊，係噃，你喺大陸應該睇唔到香港新聞，如果你可以睇到，唔該向中央如實報告香港嘅現狀，為你自己挽回些顏面啦。」
不過Webb都提醒集會嘅學生，堅持爭普選之餘亦唔可以放鬆學業，因為唔係人人都可以讀大學，大家要珍惜機會。
email: piano@mingpao.com
[小琴密語]
留言 (0)
