紅會「佔中」熱線 過百個案轉介專家

【明報專訊】「佔領中環」啟動以來，有唔少網民喺facebook講到自己撐警定撐學生時，都會公告天下，講明如果政治立場唔同，不如unfriend大家。有市民就因為對佔領事件嘅唔同立場，令到人際關係有困難，要轉介臨牀心理學家跟進。


求助包括立場引起人際困難

紅十字會聯合香港心理學會臨牀心理學組屬下嘅危急事故小組，上月29日開設「心理支援服務熱線（2507 7050）」，至今收到超過430個來電，大部分來電者都話受到傳媒報道而感到困擾、悲傷同失眠。當中有134個求助電話要轉介臨牀心理學家，包括因為立場唔同引致人際關係困難嘅個案。


紅十字會話求助電話明顯減少，加上有其他機構有類似服務，所以噚晚熱線已經終止。不過，紅十字會位於金鐘夏愨道總部嘅急救站就會繼續服務。