中金彭文生請辭

【明報專訊】內地投行一哥中金公司噚日宣布，喺佢哋度做咗4年嘅首席經濟師彭文生（小圖）已經辭職，據講係想重返校園教書，不過中金似乎就暫時無打算請人頂替，佢個位會由中金研究部負責人梁紅兼任。


如果大家有關注開內地宏觀經濟，相信對呢兩個名都唔會陌生，先講吓辭職果位，彭文生其實同香港都有淵源，佢曾經響香港金融管理局做咗10年，直到2008年先離開，響金管局果陣佢先後任職經濟研究處和中國內地事務處主管，負責經濟、金融研究同內地金融合作事宜。


至於梁紅響2008年加入中金之前，響高盛亞太部做經濟研究業務部門執行主任，之後仲升為中國區首席經濟學家，以研究中國宏觀經濟聞名，佢啲研究報告仲好受內地關注。


email: piano@mingpao.com

[小琴密語]