黃錦星識煮餸 剩食變美食

【明報專訊】立法會復會後，環境局「三堆一爐」將再闖財會，但議員成日質疑未做好源頭減廢嘅環境局長黃錦星，噚日身體力行幫手減廢，聯同理大校長唐偉章及26位名人，出席理大賽馬會社會創新設計院「社會創新節」嘅揭幕活動，同基層家庭一齊利用喺街市收集得來嘅剩餘食物炮製美食，希望提高公眾減少浪費食物嘅意識，同埋示範點用創意解決浪費食材問題。


家香港每日有逾3000噸食物送去堆填區，佔本地固體廢物三分一，當中一半其實仲可以食。黃錦星出席活動時話，家居廚餘係本港其中一個好大嘅處理廢物挑戰，希望活動可以喚起大眾關注家居廚餘對社會同環境嘅影響。