財爺訪美晤彭博 順利過CY

【明報專訊】佔領行動鬧哄哄之際，財爺曾俊華早已去到美國開會。佢10月10日（周五）會以中國代表團身分，出席喺美國首都華盛頓舉行嘅國際貨幣基金組織和世界銀行集團年會。佢並已同聯合國城市和氣候變化問題特使、紐約市前市長彭博會面。


將以中國團身分赴世銀年會

唔知大家仲記唔記得，特首梁振英去年6月首次外訪訪美，彭博曾經取消原本嘅會面行程，搞到雙方要另外安排時間會面；今次財爺去美國，似乎就比較順利。另外，財爺同紐約聯邦儲備銀行主席William Dudley會面，講吓兩地最新經濟表現。佢亦好關注滬港通，去紐約證券交易所與交易所總裁Thomas Farley會面，聽吓對方簡介紐約證券交易所嘅最新發展。曾俊華呢次會訪問美國紐約、波士頓和華盛頓。