金鐘諾獎研討會取消

【明報專訊】佔領行動持續，首次喺香港舉行嘅第四屆諾貝爾獎得主研討會「4C—氣候變化，城市變化」，原定今個星期喺金鐘正義道嘅亞洲協會香港中心舉行，都近金鐘佔領區。主辦機構話，由於香港「持續不穩定」，決定取消會議，日後會再探討於香港舉辦同類型研討會嘅可行性，如果研討會有新日期會再通知大家。


研討會由波茨坦氣候影響研究所與亞洲協會香港中心合辦，畀唔同地區嘅諾貝爾獎得主交流，1997年諾貝爾物理學獎得主、2009至2013年美國能源部長朱棣文都係講者之一。