舖頭老闆佔領區賣蔗汁幫補

【明報專訊】旺角彌敦道被佔領，有好多人集會，但遊客唔多，而喺鄰近豉油街開果汁店嘅溫太就話，上星期係黃金周，諗住生意會幾好，結果人流唔多，話每日做少幾千元生意。但溫太都算生意頭腦，靈機一觸，噚日凌晨起，喺佔領區內擺街檔「幫補」一下。


凌晨時分溫太榨咗約100支竹蔗汁，去到佔領區擺檔，賣20元一支，銷情唔錯，啲後生仔都樂意幫襯，總算幫補到一啲租金損失。溫太話，今次改當「小販」，警員經過時都無干預，又話就算有人拉都無辦法，為搵食都要開檔。