新聞類別
副刊
詳情#
【明報專訊】周五傍晚六時，反佔中人士麕集於十字路口，留守學生與清場民眾之間，薄薄的隔了一條警察人鏈，反佔者指罵嚎叫，學生沉默致志，圍觀吃花生的民眾塞滿馬路。
匆忙間，瞥見警察臉上得意的笑，有感不可置信。
在朗豪坊前地，早前整理妥貼的物資站變得七零八落，義工們匆匆把物資搬上貨車，免被反佔中者搶掠破壞，「搞到好似敗走咁！」奔走搬箱的大積哥不忿地吐一句。
他和老婆阿穎得知旺角出事，立即飛車支援。
成功搶救物資後，就出車到臨時據點落貨，又駛回旺角準備營救被圍學生。啡暗雨路上，播放着的《灰色軌跡》中夾雜着講不停的Whatsapp和電話，各路好漢聚首，只為一個目標——守護學生。
「唔同嘅人，都為同一個方向做事。」大積哥說，疲倦的雙眼，直視着紛雨前路。
「品流複雜」的義氣仔女 營救學生
在騷動現場的街口外，十來位貨van司機聚集一起，背心的背心，紋身的紋身，煙圈在粗口間繚繞，乍看猶有黑道味。十數人，收工後從四方八面趕來，為的是營救學生。明明已standby，但學生就是堅持不退，司機們縱不同意，但卻也尊重，「我哋唔會干預佢哋，佢哋想點，我哋就支援！」穿著藍背心的司機大佬說，由於天天支援，他已被家人「詐型」。半小時過去，學生死守，司機解散到各處佔領地等候徵召，晚晚如是。
出心出力出錢，無私付出，只因「睇唔過眼」，「點可以開槍呀！人嚟㗎！」阿穎高聲說。催淚彈當晚，大積哥幫學生把物資由中環運到銅鑼灣，受驚的學生上車便哭，「我話做咩喊？佢話有啲同學仔喺放緊催淚彈嗰邊。我話唔准喊！影響士氣！喊你就懦弱！」說着，自己也不禁淌淚。自當晚起，幾輛貨van和密斗貨車，便像圍牆一樣停泊在旺角街上守護學生，「我哋初時出嚟係支援啫，如果唔係一陣六國大封相，佢哋都有架車頂住吖！預咗犧牲㗎啦！死都死得好呀！」阿穎說着，一臉豪氣干雲，「我家只係擔心，天安門事件會重演，以前嘅天安門，同家香港簡直一樣。」
平治衝向人群當晚，恰巧大積哥不在，出事後他們好自責，「其實可以做到好冷血，但唔忍心！如果我哋走咗佢哋出事，過意唔去呀！好似嗰晚有架車衝去人群，第二朝知道之後，好似自己做錯嘢咁呀！」自此兩公婆天天到場支援，不但守住治安，也安排物資運送，閒時更會煲洛神花茶給留守者喝，比自家生意更加落力盡心，「我老公話我short short哋，我話唔止我呀，你仲short過我呀老公！」阿穎笑說。
搵唔到食「點解要賴學生？」
有人認為學生佔路如同暴民，持這種想法者不少是基層，以基層和家長自居的阿穎說，「聽吓先啦！佢哋無曳，好守時，講吓粗口啫！」幾天留守，與不少大學生交談，她才發現學子們思想獨立，別人難以煽動；罷課佔領，都是為了真普選，甚至身陷危境也在所不惜，「嗰度無我仔女，但我日日朝早都擔心佢哋，唔係你啲股市呀！阻住你返工？傻㗎！佢夠阻坐我搵食啦，有幾大不了呀！呢班學生係為我哋嚟緊嘅生活呀！錢，死都唔會帶得走㗎啦！」
車停口停，自佔領開始，大積哥便沒有跑生意，因為告士打道已被警察封鎖，一如斷命脈。佔領，首當其衝必然影響揸車搵食的司機，何以「受害者」卻沒半點怨言？「點解要賴佢？（佢哋搞到封路。）唔關事。做咩要賴學生啫？唔需要賴任何人。我哋要賴只係賴一個人，梁振英。佢處理得唔好，任何事都係，佢根本唔配做呢個位。你問我邊個做係啱呀？我答唔到你真係，因為中央吖嘛，邊個落嚟做都係一樣，只有佢哋家講緊嘅真普選，全部係真民意選出嚟，咁可能會有得救，即係話要reset一次，但係大陸肯唔肯放呢？咪抗爭到底囉。」為支援學生，他不但放棄每天一千三百元的收入，還要自資油費隧道費；即使物資站物資充足，他們卻不拈一物，「我哋唔會攞物資站嘅嘢，物資係畀學生嘅。」時間與金錢像燒煙火一樣消耗，但他們從不抱怨，「其實可能會輸，未必會贏㗎，但自己做咗自己嘢咪夠囉，盡咗力！」
建築在別人艱苦上的「正常生活」
有些人認為佔中破壞其正常生活，是可恥行為。但什麼是正常生活？「正常」的布幕下遮掩了幾多剝削與不公？當這些隱藏的傷口都因佔領運動浮現出來時，不少人還在「正常生活」的幻覺中，未及醒來。司機大佬們不懂民主理論，經常自嘲「盲字都唔識多個」，然而卻能把身邊發生的不平事連繫到政府施政失當。兩天的相處中，司機大佬大姐們訴說的是種種民生之苦﹕物價高漲、小店被趕盡、自由行失控、動物受虐、教育、醫療、房屋等政策失當、政商勾結、樓價高企劏房處處，社區的人情味慢慢消失，人人搵錢至上……生活從來不正常。
運輸業限制多 生意難跑
以司機們所處的運輸業為例，警察抄牌、放蛇（載客取酬）、選擇性執法、強制驗車，令他們生意難跑。十五年退役期限，令車主不得不劏車，一架三十多萬的中型貨van或五十多萬的密斗貨車，賠償額只有五分一。如此政策，逼得不少中年司機在期限一到就要提早退休。貨車司機為自僱人士，不少是揸外判車，沒有強積金，可說是N無人士，退休後生活堪虞。各行各業所受的生活壓迫，都有一個莫大源頭——不公制度，「難得學生睇得咁清楚，你呢個政府事實唔好，我哋咪反你囉！」大積哥說，「出得嚟行，預咗要還呀！」
以車抗命 只要信不要問
到場撐學生的司機，大多素未謀面，但卻因同一目標傾巢而出，「我哋真係講雷氣㗎！你見唔見有人擺勞斯萊斯係度吖？我哋就係市民，我哋都係草民，同入面嗰啲一樣。呢度全部都係雷氣嘅人，最無雷氣就係著西裝嗰啲，因為佢哋鍾意搵錢！」大積哥以往在地鐵做維修，轉揸貨van全因為興趣，「因為我好鍾意揸車！份工好開心！」他考過警察，但中文不及格，但英文卻攞D，「見到鬼佬行過，我會同佢講all hk ppl hate hk govt！」這時一位老外走過，為着貨車司機「以車抗命」而動容。
義工個個有求必應
「兵來將擋，水來就土掩！」穿鴨綠色背心的光頭大哥，雙手手臂紋上倉雲神獸，蹲在地上，吐出沙啞的幾個字。「唔好睇佢個樣咁惡呀！好人嚟㗎！」大積哥笑說。突然，一位灰背心司機大佬氣冲冲過來，說有人借醉罵學生搞事，大積哥連聲安撫，灰背心大佬說，「私人同佢嘈得唔得先！行出兩條街同佢計得唔得先！」行出兩條街，就是不想破壞學生的和平佔領，「我哋喺條街度做嘢，唔會郁手㗎，講道理吖嘛！咁先至係做嘢吖嘛！」大積哥話音未落，又轉到朗豪坊的物資站安排運貨（此時是反佔中者清場前一天）。物資站義工阿KA說，熱心人士像黃大仙一樣有求必應，市民一通電話，一箱箱物資就到，貨車一天跑數十轉；義工個個有正職，有IT界、傳訊界，卻都走來當咕喱，分類、砌箱、出車，「唔會問大家嘢㗎 ，但大家又會知道大家做緊啲乜，好得意。」阿KA說。
義載貨物 安全運到物資站
揸密斗的寶sir和寶嫂，由二十八日開始義載物資，放工後還要運貨到佔領三地，晚晚三四點才能收工回新界的家。寶嫂說，他們不隸屬任何機構，幫手，只為支援學生，「（捐贈者問）你會車物資去邊？我答你唔到㗎！（笑）總之覺得邊度缺嘢就車去嗰度㗎啦！」無組織無領頭，但貨物卻安全運到每個物資站，再送到每一名參加者的手上，支撐了整場令國際驚歎動容的抗爭運動，「你有自律性㗎嘛，你一心想件事好，你就唔會搞事啦。」
「你談判成點都唔係好關我哋事，得兩個結果，得同唔得，我哋只不過係支持啲學生。」寶sir聲音沙啞，一頭金髮，滿滿威嚴霸氣，旁邊的寶嫂接口道﹕「貨車佬、運輸界不嬲都係政治冷感，只不過我哋眼睇到嘅嘢就係咁，我哋就做我哋做到嘅嘢囉。等於我睇到嗰班碼頭工人發出嘅信，都好感動，我哋咩都唔理，只不過我哋需要十五分鐘去洗手間，去食嘢，學生支持我哋，家到學生需要我哋嘅時間，我哋就出動，就係咁簡單。」
「香港就係有呢一點，最好㗎啦。」寶sir說，篤定如山。
被製造的對立 人民鬥人民
打工仔女，有一份心領神會的體恤，特別是接order做嘢的貨車司機。在如此時空下，抗爭者往往被塑造成與市民、警察對立的一方，而官員、建制派議員、商會、媒體輿論機器全開，挑起市民對抗爭者的敵意。司機們心水清，洞悉當權者思路，「幾乸老土呀！你用到呢啲方式去磨X啲市民，你自己無能力做就磨X啲市民，特登令到你呢啲人乞人憎，令你市民打市民，佢就坐享其成。」大積哥說得咬牙切齒，他提到每當消防員和救護車來到，他們都會幫忙開路，消防員也會伸手出來叫他們加油，「嗰個揸張紙出嚟講嘢都係畀人擺上台，我哋體諒，你估佢真係想講咩。」
「就係因為有啲唯恐天下不亂，政府有中央撐腰唔會逼得到嘛，你愈整得多民怨咪愈多，愈多民怨，差佬一分力都唔使出，你咪收皮囉，好明顯我睇到吖。」世事大概都被寶sir看透了。人民鬥人民的情况，到底是哪一方製造出來？即使跟差佬有無數牙齒印，但寶sir依然對警察有種體恤，「無人民就無警察，無警察時人民都唔會生活得好。」寶嫂說，「就算警察行埋嚟話，我需要一支水，我都會畀你，唔會話因為你著警察制服我唔畀你」，「邊個啱邊個錯，無人可以完全去裁定，因為已經好混亂，只不過學生企出嚟係為咩，係為佢哋嘅將來咋嘛，所有人嘅將來嘛，係咪先！」人民對警察，給予了寬大的信任，但警察又怎樣回應人民呢？
不怕被秋後算帳？ 視死如歸呀！
催淚彈當晚，寶sir一行人本來在深水埗吃飯，看到新聞立時上頭，豁出去為學生義載。佔領阻搵食，令他們連日奔走，出錢出力還要倒蝕，無唔妥學生嗎？「吓？」一貫沉穩的寶sir有點錯愕，「咁個香港我哋都有份嘅！」 同行的六師兄說，這次義字當頭，一定會被秋後算帳，例如被「爆車」——最難送的單全塞給他們，「但我哋係死士，視死如歸呀！」鋼鐵的意志，卻有顆柔軟的心。他憶及前線的學生，猶如「飢民」，在裏面捱生捱死，很是可憐，說着，那雙小眼上的眉頭緊皺。自嘲「咕喱底」的司機們，牛高馬大心卻細，「學生唔係做慣咕喱，揸本書嘅啫，你叫佢哋托水？我哋托兩三箱都想死啦！」
香港最珍罕的核心價值
就在橡膠子彈一箱箱運進政府總部的深夜，我乘着六師兄的密斗，向政總進發。六師兄十九歲開始揸車直到現在，旁邊的我由二十一歲開始揸筆及至當下。我們暢談着大台的兒童節目與周星馳的無厘頭喜劇，「你畀心機睇多幾次，你會發現好多深層意義。」六師兄認真地提點道。是的，周星馳的電影中，充滿了善良小人物的掙扎求存，當中展現的那種屠狗輩之義，是香港最珍罕卻總被忽視的核心價值。電話響起，老婆催他回家，「我叫佢哋唔好出嚟啦，咁亂，咁動盪。（會擔心你嗎？）我做咗幾廿年人，我會有辦法走得到嘅！」駛進佔領前線，兩旁的學生漸多，夾道鼓掌歡呼，「呵呵，又嚟啦！」六師兄緊皺的眉稍稍放鬆，「我哋只係出少少力，你們先係大大力！」他向學生喊到，把粗壯的手揚出車外，豎起拇指，「我呢條命，都叫做爆過少少火花。」
雷之發聲，物無不同時應者。在危難關頭，萬馬齊暗，但人性之善，卻恆亮如粹光，流過鴟梟鳴、豺狼衢的險道，直至黑天旁亮。
文、圖/ 阿離
編輯/ 蔡曉彤
sundayworkshop@mingpao.com
fb﹕http://www.facebook.com/SundayMingpao
匆忙間，瞥見警察臉上得意的笑，有感不可置信。
在朗豪坊前地，早前整理妥貼的物資站變得七零八落，義工們匆匆把物資搬上貨車，免被反佔中者搶掠破壞，「搞到好似敗走咁！」奔走搬箱的大積哥不忿地吐一句。
他和老婆阿穎得知旺角出事，立即飛車支援。
成功搶救物資後，就出車到臨時據點落貨，又駛回旺角準備營救被圍學生。啡暗雨路上，播放着的《灰色軌跡》中夾雜着講不停的Whatsapp和電話，各路好漢聚首，只為一個目標——守護學生。
「唔同嘅人，都為同一個方向做事。」大積哥說，疲倦的雙眼，直視着紛雨前路。
「品流複雜」的義氣仔女 營救學生
在騷動現場的街口外，十來位貨van司機聚集一起，背心的背心，紋身的紋身，煙圈在粗口間繚繞，乍看猶有黑道味。十數人，收工後從四方八面趕來，為的是營救學生。明明已standby，但學生就是堅持不退，司機們縱不同意，但卻也尊重，「我哋唔會干預佢哋，佢哋想點，我哋就支援！」穿著藍背心的司機大佬說，由於天天支援，他已被家人「詐型」。半小時過去，學生死守，司機解散到各處佔領地等候徵召，晚晚如是。
出心出力出錢，無私付出，只因「睇唔過眼」，「點可以開槍呀！人嚟㗎！」阿穎高聲說。催淚彈當晚，大積哥幫學生把物資由中環運到銅鑼灣，受驚的學生上車便哭，「我話做咩喊？佢話有啲同學仔喺放緊催淚彈嗰邊。我話唔准喊！影響士氣！喊你就懦弱！」說着，自己也不禁淌淚。自當晚起，幾輛貨van和密斗貨車，便像圍牆一樣停泊在旺角街上守護學生，「我哋初時出嚟係支援啫，如果唔係一陣六國大封相，佢哋都有架車頂住吖！預咗犧牲㗎啦！死都死得好呀！」阿穎說着，一臉豪氣干雲，「我家只係擔心，天安門事件會重演，以前嘅天安門，同家香港簡直一樣。」
平治衝向人群當晚，恰巧大積哥不在，出事後他們好自責，「其實可以做到好冷血，但唔忍心！如果我哋走咗佢哋出事，過意唔去呀！好似嗰晚有架車衝去人群，第二朝知道之後，好似自己做錯嘢咁呀！」自此兩公婆天天到場支援，不但守住治安，也安排物資運送，閒時更會煲洛神花茶給留守者喝，比自家生意更加落力盡心，「我老公話我short short哋，我話唔止我呀，你仲short過我呀老公！」阿穎笑說。
搵唔到食「點解要賴學生？」
有人認為學生佔路如同暴民，持這種想法者不少是基層，以基層和家長自居的阿穎說，「聽吓先啦！佢哋無曳，好守時，講吓粗口啫！」幾天留守，與不少大學生交談，她才發現學子們思想獨立，別人難以煽動；罷課佔領，都是為了真普選，甚至身陷危境也在所不惜，「嗰度無我仔女，但我日日朝早都擔心佢哋，唔係你啲股市呀！阻住你返工？傻㗎！佢夠阻坐我搵食啦，有幾大不了呀！呢班學生係為我哋嚟緊嘅生活呀！錢，死都唔會帶得走㗎啦！」
車停口停，自佔領開始，大積哥便沒有跑生意，因為告士打道已被警察封鎖，一如斷命脈。佔領，首當其衝必然影響揸車搵食的司機，何以「受害者」卻沒半點怨言？「點解要賴佢？（佢哋搞到封路。）唔關事。做咩要賴學生啫？唔需要賴任何人。我哋要賴只係賴一個人，梁振英。佢處理得唔好，任何事都係，佢根本唔配做呢個位。你問我邊個做係啱呀？我答唔到你真係，因為中央吖嘛，邊個落嚟做都係一樣，只有佢哋家講緊嘅真普選，全部係真民意選出嚟，咁可能會有得救，即係話要reset一次，但係大陸肯唔肯放呢？咪抗爭到底囉。」為支援學生，他不但放棄每天一千三百元的收入，還要自資油費隧道費；即使物資站物資充足，他們卻不拈一物，「我哋唔會攞物資站嘅嘢，物資係畀學生嘅。」時間與金錢像燒煙火一樣消耗，但他們從不抱怨，「其實可能會輸，未必會贏㗎，但自己做咗自己嘢咪夠囉，盡咗力！」
建築在別人艱苦上的「正常生活」
有些人認為佔中破壞其正常生活，是可恥行為。但什麼是正常生活？「正常」的布幕下遮掩了幾多剝削與不公？當這些隱藏的傷口都因佔領運動浮現出來時，不少人還在「正常生活」的幻覺中，未及醒來。司機大佬們不懂民主理論，經常自嘲「盲字都唔識多個」，然而卻能把身邊發生的不平事連繫到政府施政失當。兩天的相處中，司機大佬大姐們訴說的是種種民生之苦﹕物價高漲、小店被趕盡、自由行失控、動物受虐、教育、醫療、房屋等政策失當、政商勾結、樓價高企劏房處處，社區的人情味慢慢消失，人人搵錢至上……生活從來不正常。
運輸業限制多 生意難跑
以司機們所處的運輸業為例，警察抄牌、放蛇（載客取酬）、選擇性執法、強制驗車，令他們生意難跑。十五年退役期限，令車主不得不劏車，一架三十多萬的中型貨van或五十多萬的密斗貨車，賠償額只有五分一。如此政策，逼得不少中年司機在期限一到就要提早退休。貨車司機為自僱人士，不少是揸外判車，沒有強積金，可說是N無人士，退休後生活堪虞。各行各業所受的生活壓迫，都有一個莫大源頭——不公制度，「難得學生睇得咁清楚，你呢個政府事實唔好，我哋咪反你囉！」大積哥說，「出得嚟行，預咗要還呀！」
以車抗命 只要信不要問
到場撐學生的司機，大多素未謀面，但卻因同一目標傾巢而出，「我哋真係講雷氣㗎！你見唔見有人擺勞斯萊斯係度吖？我哋就係市民，我哋都係草民，同入面嗰啲一樣。呢度全部都係雷氣嘅人，最無雷氣就係著西裝嗰啲，因為佢哋鍾意搵錢！」大積哥以往在地鐵做維修，轉揸貨van全因為興趣，「因為我好鍾意揸車！份工好開心！」他考過警察，但中文不及格，但英文卻攞D，「見到鬼佬行過，我會同佢講all hk ppl hate hk govt！」這時一位老外走過，為着貨車司機「以車抗命」而動容。
義工個個有求必應
「兵來將擋，水來就土掩！」穿鴨綠色背心的光頭大哥，雙手手臂紋上倉雲神獸，蹲在地上，吐出沙啞的幾個字。「唔好睇佢個樣咁惡呀！好人嚟㗎！」大積哥笑說。突然，一位灰背心司機大佬氣冲冲過來，說有人借醉罵學生搞事，大積哥連聲安撫，灰背心大佬說，「私人同佢嘈得唔得先！行出兩條街同佢計得唔得先！」行出兩條街，就是不想破壞學生的和平佔領，「我哋喺條街度做嘢，唔會郁手㗎，講道理吖嘛！咁先至係做嘢吖嘛！」大積哥話音未落，又轉到朗豪坊的物資站安排運貨（此時是反佔中者清場前一天）。物資站義工阿KA說，熱心人士像黃大仙一樣有求必應，市民一通電話，一箱箱物資就到，貨車一天跑數十轉；義工個個有正職，有IT界、傳訊界，卻都走來當咕喱，分類、砌箱、出車，「唔會問大家嘢㗎 ，但大家又會知道大家做緊啲乜，好得意。」阿KA說。
義載貨物 安全運到物資站
揸密斗的寶sir和寶嫂，由二十八日開始義載物資，放工後還要運貨到佔領三地，晚晚三四點才能收工回新界的家。寶嫂說，他們不隸屬任何機構，幫手，只為支援學生，「（捐贈者問）你會車物資去邊？我答你唔到㗎！（笑）總之覺得邊度缺嘢就車去嗰度㗎啦！」無組織無領頭，但貨物卻安全運到每個物資站，再送到每一名參加者的手上，支撐了整場令國際驚歎動容的抗爭運動，「你有自律性㗎嘛，你一心想件事好，你就唔會搞事啦。」
「你談判成點都唔係好關我哋事，得兩個結果，得同唔得，我哋只不過係支持啲學生。」寶sir聲音沙啞，一頭金髮，滿滿威嚴霸氣，旁邊的寶嫂接口道﹕「貨車佬、運輸界不嬲都係政治冷感，只不過我哋眼睇到嘅嘢就係咁，我哋就做我哋做到嘅嘢囉。等於我睇到嗰班碼頭工人發出嘅信，都好感動，我哋咩都唔理，只不過我哋需要十五分鐘去洗手間，去食嘢，學生支持我哋，家到學生需要我哋嘅時間，我哋就出動，就係咁簡單。」
「香港就係有呢一點，最好㗎啦。」寶sir說，篤定如山。
被製造的對立 人民鬥人民
打工仔女，有一份心領神會的體恤，特別是接order做嘢的貨車司機。在如此時空下，抗爭者往往被塑造成與市民、警察對立的一方，而官員、建制派議員、商會、媒體輿論機器全開，挑起市民對抗爭者的敵意。司機們心水清，洞悉當權者思路，「幾乸老土呀！你用到呢啲方式去磨X啲市民，你自己無能力做就磨X啲市民，特登令到你呢啲人乞人憎，令你市民打市民，佢就坐享其成。」大積哥說得咬牙切齒，他提到每當消防員和救護車來到，他們都會幫忙開路，消防員也會伸手出來叫他們加油，「嗰個揸張紙出嚟講嘢都係畀人擺上台，我哋體諒，你估佢真係想講咩。」
「就係因為有啲唯恐天下不亂，政府有中央撐腰唔會逼得到嘛，你愈整得多民怨咪愈多，愈多民怨，差佬一分力都唔使出，你咪收皮囉，好明顯我睇到吖。」世事大概都被寶sir看透了。人民鬥人民的情况，到底是哪一方製造出來？即使跟差佬有無數牙齒印，但寶sir依然對警察有種體恤，「無人民就無警察，無警察時人民都唔會生活得好。」寶嫂說，「就算警察行埋嚟話，我需要一支水，我都會畀你，唔會話因為你著警察制服我唔畀你」，「邊個啱邊個錯，無人可以完全去裁定，因為已經好混亂，只不過學生企出嚟係為咩，係為佢哋嘅將來咋嘛，所有人嘅將來嘛，係咪先！」人民對警察，給予了寬大的信任，但警察又怎樣回應人民呢？
不怕被秋後算帳？ 視死如歸呀！
催淚彈當晚，寶sir一行人本來在深水埗吃飯，看到新聞立時上頭，豁出去為學生義載。佔領阻搵食，令他們連日奔走，出錢出力還要倒蝕，無唔妥學生嗎？「吓？」一貫沉穩的寶sir有點錯愕，「咁個香港我哋都有份嘅！」 同行的六師兄說，這次義字當頭，一定會被秋後算帳，例如被「爆車」——最難送的單全塞給他們，「但我哋係死士，視死如歸呀！」鋼鐵的意志，卻有顆柔軟的心。他憶及前線的學生，猶如「飢民」，在裏面捱生捱死，很是可憐，說着，那雙小眼上的眉頭緊皺。自嘲「咕喱底」的司機們，牛高馬大心卻細，「學生唔係做慣咕喱，揸本書嘅啫，你叫佢哋托水？我哋托兩三箱都想死啦！」
香港最珍罕的核心價值
就在橡膠子彈一箱箱運進政府總部的深夜，我乘着六師兄的密斗，向政總進發。六師兄十九歲開始揸車直到現在，旁邊的我由二十一歲開始揸筆及至當下。我們暢談着大台的兒童節目與周星馳的無厘頭喜劇，「你畀心機睇多幾次，你會發現好多深層意義。」六師兄認真地提點道。是的，周星馳的電影中，充滿了善良小人物的掙扎求存，當中展現的那種屠狗輩之義，是香港最珍罕卻總被忽視的核心價值。電話響起，老婆催他回家，「我叫佢哋唔好出嚟啦，咁亂，咁動盪。（會擔心你嗎？）我做咗幾廿年人，我會有辦法走得到嘅！」駛進佔領前線，兩旁的學生漸多，夾道鼓掌歡呼，「呵呵，又嚟啦！」六師兄緊皺的眉稍稍放鬆，「我哋只係出少少力，你們先係大大力！」他向學生喊到，把粗壯的手揚出車外，豎起拇指，「我呢條命，都叫做爆過少少火花。」
雷之發聲，物無不同時應者。在危難關頭，萬馬齊暗，但人性之善，卻恆亮如粹光，流過鴟梟鳴、豺狼衢的險道，直至黑天旁亮。
文、圖/ 阿離
編輯/ 蔡曉彤
sundayworkshop@mingpao.com
fb﹕http://www.facebook.com/SundayMingpao
留言 (0)
