海富國旗倒轉 惹「抗命」猜測

【明報專訊】大批示威者前晚開始通宵留守政府總部對開嘅干諾道中同夏愨道，到噚日清晨6點幾，唔少示威者仲係睡眼惺忪時，突然有人大叫﹕「真係倒轉咗喎！」大家不明所以，抬頭一望，原來金鐘海富中心面向政府總部嘅旗杆，朝早升旗時將中間嘅五星國旗上下倒轉咗。有留守者群起拍掌歡呼，有人就笑言日日唔倒轉，偏偏發生緊佔中先至倒轉，懷疑負責升旗嘅職員係「抗命」，仲話要向嗰個職員致敬，但亦有人話職員可能只係無心之失。直到7點幾，有關方面糾正番，重新升起五星旗。


（余俊亮攝）