被指偏頗 無綫佔中特輯接73投訴

【明報專訊】前晚警方出動催淚彈驅散佔中集會者震驚全城，無綫電視（TVB）除咗新聞部直播事態發展外，仲特別喺晚上10點半抽起原定節目《Sunday扮嘢王》，反應好快咁播放「佔中」新聞特備節目，不過反應好似唔太好，TVB截至噚日共收到73個投訴。


無綫企業傳訊部宣傳科副總監曾醒明話，73個投訴中，54個係電話投訴、19個係電郵投訴，主要投訴內容係話報道唔夠中肯同持平，同埋內容偏頗等等，當中亦有3個投訴係不滿報道佔中新聞咁話。呢個特備節目收視平均16點，比上周同時段跌咗兩點。


曾醒明話，TVB新聞部一向都係編採獨立，按專業精神報道，家會視乎局勢發展，再決定仲需唔需要調動節目。