阿人：佔中隊文件屬假

【明報專訊】近期facebook用戶「John Brothers」喺網上分批流出聲稱真普聯會議紀錄，噚日佢就披露一份聲稱「支聯會佔中隊第一次召集會議」文件，列出一份17人「機密名單」，各人分別擔任佔中「總糾察長」、「糾察長」等職位，有埋手提電話號碼。不過Emily問支聯會主席李卓人，佢就話份文件屬虛構偽造，因為支聯會當日根本無開過會。


文件顯示會議於9月10日舉行，由阿人主持。阿人話，支聯會只曾口頭通知成員有佔中一事，各人可自行決定是否參與，支聯會亦無成立過「佔中隊」，而且9月10日亦無開會，文件係偽造。Emily曾就阿人指文件偽造一事透過facebook問番「John Brothers」，至截稿前對方未有回覆。「榜上有名」嘅陳樹暉表明自己唔係支聯會成員，亦非如文件所言會做佔中糾察長。