罷課充電區一次叉18手機

【明報專訊】罷課集會噚日移師添馬公園，Emily發現有個位有好多人排隊，咩嘢咁受歡迎？原來罷課集會整咗個手機充電區，家唔少人鍾意不停WhatsApp或者上載集會相片去facebook，手機啲電梗係用得快，而好多人都冇隨身帶充電器，呢個手機叉電站就大派用場喇。


原來罷課籌委會早排開會時，大家都關注手機叉電問題，所以決定帶發電機到集會現場，設立叉電站，每朝10點到夜晚完結時，可以同時叉18部手機。佢哋又整咗個服務須知，如果人流太多，叉電到50％就要換人；如果有人大懵唔記得拎番手機，就由大會保管，等人認領。