容祖兒代言星展信用卡

【明報專訊】時下興網購，原來連歌后容祖兒都有呢個習慣，仲話自己每日都會喺網上shopping，一個月大概喺網上買3、4次嘢，連星展銀行都特登搵佢做信用卡代言人。


話說呢張叫做DBS Eminent Card嘅信用卡，原來要年薪36萬或以上先可以申請，不過對於祖兒嚟講應該無問題。祖兒喺宣傳片入面分享最難忘嘅網購經驗，話有次生咗粒好大嘅暗瘡，有個叫「阿嬌」嘅朋友介紹佢網購一隻去暗瘡嘅產品，點知件貨送到嚟，粒暗瘡已經謝晒。


星展香港零售銀行業務信用卡及私人貸款業務高級副總裁周邦貴話，張卡嘅發卡量大概8萬張，希望搵到祖兒幫手宣傳後，年底可以去到10萬。


[小琴密語]