港留唔住阿里 留得住馬雲

【明報專訊】阿里巴巴喺香港路演，近日成為全城投資界焦點，雖然因為同股不同權問題最終無喺香港上市，但突然現身香港嘅主席馬雲依然大發香港情懷，唔單止話自己愛香港，仲自爆出年就會正式成為香港人，退休都諗住定居香港，正宗係留唔住阿里巴巴個人，都留得住咗阿里巴巴個心（即係馬雲）呀。


明年底拎香港身分證

馬雲話，自己係透過優才計劃移民香港，計落明年底就可以拎香港身分證，而佢亦已經喺香港置業。小琴有印象舊年《明報》就報道過，馬雲喺2007年用接近3億買咗半山地利根德里Branksome Crest嘅頂層連天台泳池大宅，面積7088平方呎，當時呎價近4萬元，創當時天價成交紀錄。呢個物業仲係佢國內外最貴重嘅物業