新聞類別
財經
詳情#
【明報專訊】近年匿名研究（Anonymous Analytics）同Glaucus Research搶盡風頭，相反開創踢爆中國民企造假潮流嘅渾水研究（Muddy Waters）就沉寂咗一排，但唔好以為佢哋放軟手腳，渾水創辦人Carson Block早兩日話，計劃轉戰企業債，仲話中國同證券詐騙嘅關係，就好似矽谷同科技咁，擺明狂串中國專出產造假公司囉。
Carson老哥早兩日出席美國巴魯克學院一個座談會時大談民企造假問題，佢始終唔放過內地公司，講明會繼續睇住啲內地公司，又打咗個比喻話，就如講到矽谷會令人聯想起科技，中國亦都會聯想到證券欺詐。
「中國令人聯想起證券欺詐」
不過，佢話就算之前發生喺中國民企嘅問題有幾多，但係投資者對於投資中國公司嘅風險考量方面，表現得幾自滿。未知佢大哥咁講，係唔係意味好多投資者對投資內地公司股票嘅風險，鬆懈咗呢？
講就咁講，不過渾水呢兩年就戰績欠奉，反而Glaucus Research舊年就做低咗中金再生（0773），搶晒風頭。渾水點能夠輸蝕？Carson Block話，其實除咗繼續睇住啲內地企業有無爆煲嘅情况，佢已經計劃轉戰新興市場嘅企業債，話呢個市場畀渾水嘅空間仲大。點解？原來好簡單，都係一句市場裏面出現咗唔少債券價格過高嘅情况，畀佢哋好多沽空嘅良機。
渾水此前係喺2011年狙擊加拿大上市嘅嘉漢林業一役，最終引發公司破產、5名公司管理層更一度被監管當局追究，而一炮而紅。
明報記者 陳偉燊
email: piano@mingpao.com
[小琴密語]
Carson老哥早兩日出席美國巴魯克學院一個座談會時大談民企造假問題，佢始終唔放過內地公司，講明會繼續睇住啲內地公司，又打咗個比喻話，就如講到矽谷會令人聯想起科技，中國亦都會聯想到證券欺詐。
「中國令人聯想起證券欺詐」
不過，佢話就算之前發生喺中國民企嘅問題有幾多，但係投資者對於投資中國公司嘅風險考量方面，表現得幾自滿。未知佢大哥咁講，係唔係意味好多投資者對投資內地公司股票嘅風險，鬆懈咗呢？
講就咁講，不過渾水呢兩年就戰績欠奉，反而Glaucus Research舊年就做低咗中金再生（0773），搶晒風頭。渾水點能夠輸蝕？Carson Block話，其實除咗繼續睇住啲內地企業有無爆煲嘅情况，佢已經計劃轉戰新興市場嘅企業債，話呢個市場畀渾水嘅空間仲大。點解？原來好簡單，都係一句市場裏面出現咗唔少債券價格過高嘅情况，畀佢哋好多沽空嘅良機。
渾水此前係喺2011年狙擊加拿大上市嘅嘉漢林業一役，最終引發公司破產、5名公司管理層更一度被監管當局追究，而一炮而紅。
明報記者 陳偉燊
email: piano@mingpao.com
[小琴密語]
留言 (0)
