排隊買鞋唔係買iPhone 網民笑錯人

【明報專訊】首批蘋果iPhone 6將會喺今日下午3點起喺網上預售，除咗一眾「果迷」引頸以待，由於香港比內地搶先發售，有人預料機價可炒貴近一倍至超過1.4萬元，吸引唔少人諗住買番部「投資」。噚日網上瘋傳一張相，話噚日朝早銅鑼灣白沙道賣牛仔褲嘅Apple Shop見到有人龍出現，影相嘅網民馬上聯想，認為「iPhone 6發售在即 ， 但係呢班人好似去錯地方排隊」，仲笑人哋係外傭、內地人搞錯咗。


不過，Emily打去白沙道Apple Shop問，職員確認噚日舖頭外的確有20至30人排隊，不過佢哋唔係排隊買iPhone 6，亦唔係買牛仔褲，而係買隔籬舖嘅限量版波鞋啫，人龍太長，一度排到Apple Shop門口，人龍至中午前已散去，請大家唔好誤會。