新聞類別
財經
詳情#
【明報專訊】呢幾日香港政治話題少不免同學生有關，其實為人父母都想子女成才，如果擔心本地教育環境，將仔女送去外國讀書亦無可厚非。匯豐噚日就發表咗個調查，發現香港有86%受訪父母會考慮送仔女到海外大學讀書。比例略高過內地85%。而台灣亦有68%父母有咁諗法，睇來兩岸三地父母對本土教育信心欠奉。
匯豐訪問咗15個國家地區大約4600個已經為人父母嘅匯豐客戶，問佢哋點睇仔女教育前景，當中唔少希望送仔女出國讀書嘅香港父母覺得，出國可以訓練佢哋外語能力，其次就係接軌國際同埋學習自主獨立。不過咁，外國月亮係咪特別圓就唔敢講，但外國學費就肯定特別貴。調查顯示，響香港讀大學，學費連生活費等等一年要24萬左右，只係排第五咋，去澳洲讀書一年就要32萬，讀個3年學士課程就近100萬；第二貴嘅新加坡一年亦要30萬，美國好啲，但都要28萬。
匯豐響個調查報告最後提到，想要有好教育，必須要有返咁上下家底，所以大家要及早為仔女教育做投資同儲蓄啦，明白未？
[小琴密語]
匯豐訪問咗15個國家地區大約4600個已經為人父母嘅匯豐客戶，問佢哋點睇仔女教育前景，當中唔少希望送仔女出國讀書嘅香港父母覺得，出國可以訓練佢哋外語能力，其次就係接軌國際同埋學習自主獨立。不過咁，外國月亮係咪特別圓就唔敢講，但外國學費就肯定特別貴。調查顯示，響香港讀大學，學費連生活費等等一年要24萬左右，只係排第五咋，去澳洲讀書一年就要32萬，讀個3年學士課程就近100萬；第二貴嘅新加坡一年亦要30萬，美國好啲，但都要28萬。
匯豐響個調查報告最後提到，想要有好教育，必須要有返咁上下家底，所以大家要及早為仔女教育做投資同儲蓄啦，明白未？
[小琴密語]
留言 (0)
