新聞類別
財經
詳情#
【明報專訊】噚日隻中播（0471）停牌，原來係為咗宣布買衛星，之不過咁，當小琴收到公司新聞稿，再上港交所個網站睇睇中播發布嘅文件，竟然一下子分唔清楚究竟係通告，定係新聞稿呢？
點解小琴會混淆？大家都知，上市公司通告一般用詞都比較「平實」，甚至可以話係悶，而新聞稿響字眼運用上就靈活醒目得多，之但係噚日中播個通告，淨係標題已經令人精神為之一振：「開展國內三網融合業務里程碑」，再睇埋內容，先講自己準備買「亞洲之星」，差啲以為佢哋買咗粒世界名鑽，原來係粒衛星，然後再話已經同中國一間「國家級」媒體集團簽咗備忘錄，滿足中國「巨大內需」，支持國家媒體「大融合」，真係令人覺得好偉大。
再睇番份新聞稿標題：「中播控股收購新衛星容量、與中國國家級媒體集團合作、發展及運營中國全國範圍衛星移動多媒體服務」，查實用字平實啲，總好過搞到條標題鬼咁長，但句意不明吖。
email: piano@mingpao.com
[小琴密語]
點解小琴會混淆？大家都知，上市公司通告一般用詞都比較「平實」，甚至可以話係悶，而新聞稿響字眼運用上就靈活醒目得多，之但係噚日中播個通告，淨係標題已經令人精神為之一振：「開展國內三網融合業務里程碑」，再睇埋內容，先講自己準備買「亞洲之星」，差啲以為佢哋買咗粒世界名鑽，原來係粒衛星，然後再話已經同中國一間「國家級」媒體集團簽咗備忘錄，滿足中國「巨大內需」，支持國家媒體「大融合」，真係令人覺得好偉大。
再睇番份新聞稿標題：「中播控股收購新衛星容量、與中國國家級媒體集團合作、發展及運營中國全國範圍衛星移動多媒體服務」，查實用字平實啲，總好過搞到條標題鬼咁長，但句意不明吖。
email: piano@mingpao.com
[小琴密語]
留言 (0)
