田二少為護老 反挑戰「窮富翁」

【明報專訊】早排好多人玩幫助肌肉萎縮症患者嘅冰桶挑戰，至近日「挑戰之風」仍未休，曾經玩過「窮富翁」嘅田北辰（田二少）噚日喺facebook宣戰，話另一「窮富翁」、飲食界嘅黃傑龍（Simon）早前挑戰佢，要佢於48小時內關心一個喺街上遇到嘅基層人士，田二少於是反向Simon挑機，「希望你在一個月內，探訪3間安老院，安排節目或表演，逗逗老人家開心，並拍照/拍片分享你的關懷故事，否則便捐款到香港的護老慈善團體」。


田二少話，佢咁樣反挑戰，目的係想將關懷長者尤其基層長者嘅信息廣傳，仲叫Simon如果接受挑戰，可再提名3人接受探訪挑戰。田二少前幾日就同一班職員帶埋月餅到訪多間安老院舍。