副處長退休 新聞處執位

【明報專訊】政府新聞處副處長梁黎艷明（Mary）夠鐘退休，返埋下禮拜五就開始退休前休假，Mary人緣好好，當年佢曾經做時任保安局長葉劉淑儀嘅新聞官，有次葉太引用古文古詩撐23條立法，大打輿論戰，細心嘅Mary做足功課，搵番原文、印埋出嚟派畀記者，咁貼心嘅服務，記者又點會唔受落？

Mary退休，Emily聽聞，Free Brett McEwan（斐博歷）會由助理處長升上去接Mary個位，而佢嘅空缺，就由商務及經濟事務局長蘇錦樑嘅新聞秘書吳綺媚（Grace）出任，不過Grace仲未有咁快走住，大約到10月初先會走。