新聞類別
財經
詳情#
【明報專訊】讀者們或經常聽到幹細胞應用於治療及器官移植，但原來仲可以應用培植野山人參。具韓國技術背景嘅又星環球，就係南韓江原道採集年產量少於20株參齡50年以上嘅野山人參，用幹細胞技術嚟培植同一品質嘅野山人參，再加工做「又星八號」嘅健康食品，每盒30粒據講售價承恵1000美元，專攻中、港、韓三地中高檔消費市場。
本屬中國朝鮮族嘅又星環球總裁金時杰話，今次佢哋除咗會嚟香港開辦事處外，仲睇到香港資本市場嘅規模同流通量，日後會考慮嚟香港上市，但就未有時間表。現時佢哋行會員制銷售，累積會員最少幾百人。佢哋計劃將月產量由1萬盒提高到3至5萬盒，同時係韓國同深圳分期建廠，最少投資2億美元以上。又星仲部署將技術應用於開發紫杉醇相關嘅系列產品，甚至物色同瑞士藥廠合作。佢話，家賣咁貴，主要係初期產品數量銷售未夠多，等第日多啲人買，需求大啲，價錢會平啲喎。
email: piano@mingpao.com
[小琴密語]
留言 (0)
