新聞類別
副刊
詳情#
【明報專訊】人大常委會就政改決定拍板後，傳媒都好想聽吓建制派重量級人馬解讀吓個決定，所以噚日基本法委員會副主任梁愛詩，出席紀念抗日戰爭勝利69周年論壇時，記者亦聞風而至，梁愛詩喺活動上坐咗近兩小時，但就唔肯再講政改問題，話自己唔可能日日都講嘢喎。
至於呢個紀念抗日戰爭勝利嘅論壇，就請咗現年91歲嘅抗日老戰士魏瑟（圖）到場，聽到佢當年有份抗日，全場掌聲雷動，魏瑟亦有上台分享吓，話自己16歲加入廣東人民抗日游擊隊縱隊，抗日期間中咗3次彈都大難不死。活動後，唔少出席者都爭相同呢位老戰士合照。
（李澤彤攝）
至於呢個紀念抗日戰爭勝利嘅論壇，就請咗現年91歲嘅抗日老戰士魏瑟（圖）到場，聽到佢當年有份抗日，全場掌聲雷動，魏瑟亦有上台分享吓，話自己16歲加入廣東人民抗日游擊隊縱隊，抗日期間中咗3次彈都大難不死。活動後，唔少出席者都爭相同呢位老戰士合照。
（李澤彤攝）
留言 (0)
