新聞類別
財經
詳情#
【明報專訊】近年唔少上市公司牽涉到做假數、洗黑錢，尤其是家進入科網年代，所以對法證會計（Forensic Accounting）專才需求亦愈來愈大，安永噚日就公布，委任楊益驊做詐騙審查及糾紛協調服務的合伙人，專責發展自動化搜尋平台，方便會計師更加容易搵到犯案證據。
喺加入安永前，楊益驊曾經喺信貸管理服務公司、投資銀行工作，喺數據分析諮詢和營運管理方面擁有19年工作經驗，當中包括系統產品設計、開發及部署。安永話，楊生主要負責端對端嘅電子格式內容搜索平台，利用預測性模型工具識別潛在詐騙模式、數據關聯同發掘新嘅風險指標。用番地球話講，即係呢個平台，可以幫會計師check吓上市公司有冇古惑嘢。
查實今時今日企業都大量使用電腦同互聯網，正所謂解鈴還須繫鈴人，都需要有專業資訊科技人才去破解，小琴都希望佢哋可以幫警方手，將更多犯案嘅人繩之於法啦。
[小琴密語]
喺加入安永前，楊益驊曾經喺信貸管理服務公司、投資銀行工作，喺數據分析諮詢和營運管理方面擁有19年工作經驗，當中包括系統產品設計、開發及部署。安永話，楊生主要負責端對端嘅電子格式內容搜索平台，利用預測性模型工具識別潛在詐騙模式、數據關聯同發掘新嘅風險指標。用番地球話講，即係呢個平台，可以幫會計師check吓上市公司有冇古惑嘢。
查實今時今日企業都大量使用電腦同互聯網，正所謂解鈴還須繫鈴人，都需要有專業資訊科技人才去破解，小琴都希望佢哋可以幫警方手，將更多犯案嘅人繩之於法啦。
[小琴密語]
留言 (0)
