麥記漢堡用美國番茄

【明報專訊】麥當勞爆出內地福喜過期肉風波，之前好多食材都停用，包括去食個至尊漢堡都會無咗番茄。麥當勞話，今日起恢復供應脆辣雞腿同番茄，聽日仲會有粟米，其中脆辣雞腿會由銘基食品有限公司中國廠房供應，而番茄同粟米會由另外兩間公司嘅美國廠房供應。


麥當勞話，仍然搜羅緊檸檬片同沙律菜底等食材，所以田園沙律、雞扒沙律、凍檸茶仍然暫停供應。番茄供應商係Taylor Farms Food Service美國廠房，粟米就會由J. R. Simplot Company美國廠房供應。


另外，麥當勞決定今晚6點後，推出番「Double足三両」、「Double魚柳包」、「Double分享拼盤」及「Double新地」。