林鄭惜食喻政改

【明報專訊】政務司長林鄭月娥噚日同前財政司長梁錦松、行會成員陳智思、馬會董事陳南祿等齊歎「惜食堂」嘅廚餘飯盒，喺英華小學禮堂開餐，林鄭食芝麻雞食得津津有味之餘，不忘宣傳政改，叫大家要好似珍惜食物咁，珍惜可以一人一票選特首嘅機會。


「惜食堂」利用廚餘做嘅飯餐賣相同味道都唔錯，陳南祿、林鄭等人都食清光，林鄭仲話佢最鍾意醬汁，唔似一般飯盒又濃又多豆粉。「惜食堂」2012年成立至今，每日生產4600份飯餐，創辦人董愛麗話希望未來可以有更多捐贈者，並喺新界如屯門等地區設新廚房，惠及唔同區有需要人士。