新視野藝術展首現自家作

【明報專訊】兩年一度嘅「新視野藝術節」今年喺10月16日至11月16日舉行，呢個藝術節去到第七屆，首次有自家「出品」劇作。英國殿堂級導演艾德里安•諾布爾，將會伙拍本地劇場中堅分子，演出易卜生名作《海達•珈珼珞》，11月6日至9日喺香港文化中心劇場上演。


另外，亦會有英國賀飛雪．謝克特舞團嘅《怒滾狂舞》，舞團專登加入為藝術節而設嘅新舞蹈同音樂，之前仲招募咗10名本地青年樂手演出，所以今次演出係香港特別版。


除咗有年輕人，亦會有日本埼玉金世代劇場嘅耆英演員，上演《烏鴉，我們上彈吧！》，內容講述一班年過70歲嘅武裝分子進佔法庭。門票下月5日起發售，市民可上www.newvisionfestival.gov.hk瀏覽詳情。