今年中秋 滿月喺朝早9點

【明報專訊】好快又到中秋節，香港天文台噚日公布賞月貼士，原來今年嘅滿月係喺中秋節翌日（9月9日）嘅早上9時38分。日光日白，點算好？天文台就話，晚間當月亮升空後仍會相當明亮，大家唔使咁失望。


最靚賞月時間近午夜

今年中秋節係9月8日星期一，根據天文台資料，當日嘅月出時間係下午5時51分，而上中天（仰角63度）就係晚上11時55分。


其實，由於翌日係中秋節假期，周一晚放工後等到半夜賞月都無所謂啦。至於何謂「上中天」，其實係月球橫越本地子午線時間，呢個時間月球位於正南方，仰角為全晚最高。