鐘表展最矜貴 780萬珠寶表

【明報專訊】貿發局主辦嘅第33屆鐘表展下個月3號（星期三）至7號（星期日）喺會展舉行，貿發局副總裁周啟良（Benjamin）同Emily講，今年全場最名貴嘅手表價值780萬元，係一隻芝麻鏈嘅高級珠寶迪菲倫腕錶。另一隻貴表係自動陀飛輪超薄伯爵表，賣580萬元。呢兩隻全場最名貴手表，都會喺太子珠寶鐘表攤位有售。Benjamin話，歡迎商貿買家、市民帶定現金去買。


高檔貨減銷三成 中低檔上升

今年鐘表展有760個參展商，佢哋來自19個國家同地區，展覽雖然主要搞畀工商買家，不過，最後一日、即係9月7號，免費開放畀公眾，市民可一覽名表風采。鐘表展籌委聯名主席兼飛騰表業品牌經理劉燊濤（Gary）話，過去一年，內地客買高檔表減少兩三成，相信係同內地力打貪有關。不過，同一時間，中低檔表生意有上升，證明內地市場夠大，就算客人口味有變，業界仲係可以受益咁話。