環時評未雪 講到「狗粹主義」

【明報專訊】唐狗「未雪」喺港鐵粉嶺站被輾死，引起全城關注，時刻上載港鐵故障信息嘅facebook專頁「MTR Service Update」亦因為呢件事暫停運作，至周四先復工。而內地《環球時報》前日就發表〈9萬港人抗議流派狗之死，是文明體現嗎？〉文章討論港鐵唐狗「未雪」事件，評論話動物保護主義係西方形成，而香港係英國殖民地，好多觀念都受西方影響，所以呢件事喺香港發生唔出奇。


不過，評論話，實際上好多香港人都覺得愛狗人士小題大做，又話人對動物嘅保護，需要建立喺人類生存權利，香港係發達社會，可以有條件包容，但如果內地盛行「狗粹主義」，呢個成本同代價會更大。