新聞類別
財經
詳情#
【明報專訊】大家平日聽「藺Sir」、智易東方證券行政總裁藺常念講股票就聽得多，但好少聽過佢講政治。噚日小琴見到佢喺facebook，有感而發寫咗篇文撐「真普選」。話揀8月21日嚟寫，係因為1968年8月20日深夜，前蘇聯揮軍入侵捷克，鎮壓當地嘅民主改革力量。
捷克作家昆德拉就以當年事件為背景，寫下《生命中不能承受的輕》，並成為藺Sir嗰一代人嘅口頭禪，即係當獨裁者鎮壓改革時，知識份子就要企出嚟反抗。「所謂袋住先，國家安全篩選方案，只不過是獨裁者的掩耳盜鈴蒙眼法」藺Sir講得好坦白，話中央要愛國愛黨人士管香港，不容外國勢力干預內政係一派胡言。「真正的目標是用任何手段，維持共產黨的專制統治。」
小琴睇番啲資料，其實藺Sir以前有涉足過政壇，90年代曾用民主促進會成員身分，參加過區議會選舉，唔怪得知咁關心政治啦。佢仲呼籲金融同工商界人士，要本住良心，反對獨裁者壓逼。政見呢啲嘢，各有各立場，但講得咁坦白，喺呢度不得不畀個Like阿藺Sir。
[小琴密語]
捷克作家昆德拉就以當年事件為背景，寫下《生命中不能承受的輕》，並成為藺Sir嗰一代人嘅口頭禪，即係當獨裁者鎮壓改革時，知識份子就要企出嚟反抗。「所謂袋住先，國家安全篩選方案，只不過是獨裁者的掩耳盜鈴蒙眼法」藺Sir講得好坦白，話中央要愛國愛黨人士管香港，不容外國勢力干預內政係一派胡言。「真正的目標是用任何手段，維持共產黨的專制統治。」
小琴睇番啲資料，其實藺Sir以前有涉足過政壇，90年代曾用民主促進會成員身分，參加過區議會選舉，唔怪得知咁關心政治啦。佢仲呼籲金融同工商界人士，要本住良心，反對獨裁者壓逼。政見呢啲嘢，各有各立場，但講得咁坦白，喺呢度不得不畀個Like阿藺Sir。
[小琴密語]
留言 (0)
