八達通盼台北擴版圖

【明報專訊】喺香港搭車、買嘢幾乎都可以用八達通畀錢，相當方便，其實八達通早年已衝出香港，同內地合作，推出可跨境用嘅「八達通．嶺南通」同「互通行」卡，今年初更拓展至澳門，「過大海」都可「嘟一嘟」畀錢。八達通CEO高敏德（Kevin Goldmintz）噚日同Emily講，已經約咗台北市長郝龍斌見面傾合作，希望電子貨幣付費模式可更加普遍。


Kevin又話，八達通都受惠內地自由行，因為唔少內地人嚟香港都會買張八達通，暑假同五一黃金周都係旺季。不過，佢話因為內地客離港時通常都唔會退回八達通，所以現時全港約2500萬張喺市面流通嘅八達通當中，有六成係唔活躍嘅，增加咗八達通管理戶口嘅行政成本。