新聞類別
財經
詳情#
【明報專訊】近期阿信屋推出一系列新花臣，包括踩過界去餐飲界做雲吞麵同茶餐廳，其中759雲吞麵第一間舖今日就響長沙灣開張，不過，阿信屋老細林偉駿就好低調，講明唔嘥錢請明星剪綵，佢話做街坊生意，啲錢慳返嚟整多啲靚野俾街坊食好過啦。
林偉駿同小琴講，今日屋企有啲事，唔會親自出席新店開張。不過佢話阿信屋不嬲低調，好少話開張就大張旗鼓。林生仲話，其實之前都有娛樂公司打嚟問剪綵需唔需要請個靚女明星去助陣，「我諗，有個明星都唔錯啵，但一問價，一個普通姐仔都要10萬，嘩，請唔起請唔起」。
唔單止唔請明星，小琴話要去幫襯下食碗雲吞，林偉駿都再次強調：「我地街坊生意，唔係高級雲吞喎」。唯一令佢讚不絕口嘅，係雲吞好似其他街坊麵店咁，師傅現包現煮，二十幾蚊絕對足料新鮮，「即使以後再開分店，都唔會用中央廚房」，話要令大家食得新鮮又有人情味。
email: piano@mingpao.com
[小琴密語]
林偉駿同小琴講，今日屋企有啲事，唔會親自出席新店開張。不過佢話阿信屋不嬲低調，好少話開張就大張旗鼓。林生仲話，其實之前都有娛樂公司打嚟問剪綵需唔需要請個靚女明星去助陣，「我諗，有個明星都唔錯啵，但一問價，一個普通姐仔都要10萬，嘩，請唔起請唔起」。
唔單止唔請明星，小琴話要去幫襯下食碗雲吞，林偉駿都再次強調：「我地街坊生意，唔係高級雲吞喎」。唯一令佢讚不絕口嘅，係雲吞好似其他街坊麵店咁，師傅現包現煮，二十幾蚊絕對足料新鮮，「即使以後再開分店，都唔會用中央廚房」，話要令大家食得新鮮又有人情味。
email: piano@mingpao.com
[小琴密語]
留言 (0)
