新聞類別
財經
詳情#
【明報專訊】魚缸呢排日日炒滬港通，恒指係推高唔少，之但係到真係開車時，點樣可以把握商機，相信中環啲經紀呢排都爆頭。小琴噚日同六福金融主席許照中食飯，原來佢已經同大陸號稱用戶最多社交投資平台「天厚杜交投資」合作，搞個模擬港股大賽，畀內地同胞試炒港股，同時廣收宣傳之效。
與內地社交投資平台合作
據講天厚有幾十萬登記用戶，同大陸另一知名投資論壇「雪球」一樣，可以畀用戶發表投資偉論、交流心得，但天厚同時有埋報價、跟炒同自設投資組合等功能，許照中就係睇中呢點，所以搞個炒股比賽，遲可能調番轉，畀香港投資者玩模擬A股大賽，等大家熟習兩地玩法喎！
唔講唔知，六福金融內地6個城市都設辦事處，連宜興呢比較少聽見本地券商會去城市都插旗。許照中話，滬港通來講，一定係中資券商佔優，因為佢可以兩邊都做齊，但香港券商始終無得做大陸客北水南下呢一「浸」生意。不過作為香港券商，唔可以未打先輸，所以咪做得幾多得幾多囉。
[小琴密語]
留言 (0)
