CY又請家務員 月薪1.6萬

【明報專訊】繼今年2月行政長官辦公室招聘二級家務員，政府家又請四級家務員，學歷只需要小六或以下 ，月薪有16,425 蚊，不過就要唔定時同超時工作，仲有可能要派去禮賓府、粉嶺別墅同其他地方做嘢。家即將踏入政改關鍵時刻，唔知特首梁振英又請家務員，喺咪為咗遲啲喺禮賓府舉行多幾場政改飯局做準備呢？


四級家務員主要負責私人起居同家居服務嘅房務、地方清潔；另外要洗燙衣服同縫紉；同埋要負責清潔、更換同修補家居陳設用品。


要應徵做四級家務員，唔單止要識做以上嘅家務，仲要符合以下三大要求﹕包括最少3年喺大戶家庭擔任家務職位，或者大型酒店、機構擔任服務員職位嘅經驗；有房務、清潔、裁縫或者餐飲服務經驗仲好，又要一定識得講流利粵語同簡單英語；要閱讀、書寫簡單中、英文，如果識簡單普通話者就有優勢。


唔好以為自己嘅條件符合以上要求，份筍工就可以「袋住先」，因為申請人面試仲要回答關於《基本法》知識嘅問題！申請職位截止日期係8月19號。