新聞類別
財經
詳情#
【明報專訊】話說恒地（0012）副主席兼政協常委李家傑，最近搞左個新專門幫內地先天性心臟病孤貧兒童嘅慈善組織叫愛佑（香港）慈善基金會，今個月底仲會搞晚宴向傳媒介紹，而向來低調嘅騰訊（0700）主席馬化騰亦會出席㖭。
原來李家傑本來就喺內地愛佑嘅副理事長，今次基金會來港開設分會，李家傑順理成章出任愛佑（香港）慈善基金創會理事長。
可能讀者對愛佑唔多認識，但睇返內地資料，呢個2004年營運至今嘅基金會相當把炮，係內地《基金會管理條例》出台後首間註冊嘅非公募基金會。當中理事會成員異常猛料，除咗馬化騰出任副理事長外，其他內地科網巨頭話事人亦有出任理事，包括阿里巴巴執行主席馬雲、新浪董事長兼首席執行官曹國偉、百度董事長兼首席執行官李彥宏以及巨人網絡主席史玉柱等，其他理事仲包括萬科總裁郁亮、匯源董事長朱新禮等，絕對唔嘢少㗎。
email: piano@mingpao.com
[小琴密語]
留言 (0)
