油尖旺民政專員 下月調派德國

【明報專訊】油尖旺民政事務專員何小萍（Betty）9月1日會調派去德國，擔任香港駐柏林經濟貿易辦事處處長，調任消息噚日喺政府內部確定，Emily咁橋撞到Betty，知道佢最新動向。Betty話，係主動要求調派，本來想喺英語國家做嘢，最終派咗去德國，佢都好開心，家已經開始密密做準備，包括學下德文先。


Betty喺今個月中同下手接任人交接，其實油尖旺區棘手之一嘅事都叫做落實咗，就係旺角行人專用區減少開放時間，政府7月檢視過收緊開放時間之後嘅情况，家平日一至五因為冇行人專用區，居民投訴噪音嘅數字真係變到零，周末因為有專用區，維持住有投訴數字，呢個情况同預期一樣，相信措施會繼續維持。