張曉明怨記者：害我午覺未睡成

【明報專訊】噚日中聯辦主任張曉明出席慶祝國慶65周年籌委會成立大會，佢一發言就「抱怨」記者搞到佢無得瞓晏覺。佢話無諗過會有咁多傳媒出席，所以為咗準備講稿，「害得我今天中午的午覺未睡成」，仲話中午無得瞓「是很痛苦的事情」。


貓紙提醒直播講話

張主任都好緊張新聞報道，講話期間有工作人員就向佢遞上紙條，提醒佢電視台直播緊佢嘅講話！

今年國慶65周年，籌委會話喺10月2號晚紅磡香港體育館會有文藝晚會，主題係「中國夢、和諧世界」，寓意顯現祖國發展嘅成就、香港自強不息同世界和平共融。當晚嘅節目仲會喺香港同外地電視台、電台、互聯網播出，等香港市民以至全球華人都可分享國慶喜悅咁話。


籌委會預計國慶文藝晚會活動大約要300萬港元，香港政府會贊助晚會部分經費，大會亦會向各界籌募經費。