跳繩世錦賽 港隊重奪冠軍

【明報專訊】兩年一度嘅國際跳繩運動盛事「世界跳繩錦標賽」，男女子單人速度賽同埋隊員合力嘅「世界盃」賽事都已經順利完成，失落上屆「世界盃」嘅香港隊，獲主場之利，以95分比數拋離87.03分嘅比利時隊，喺比利時手上重奪冠軍寶座。香港跳繩代表隊成員亦不負眾望，喺世青賽同世錦賽中，取得29金30銀33銅，共92面獎牌。恭喜恭喜。


男子單人3分鐘耐力賽世界紀錄保持者、有「勁量」之稱嘅港隊成員何柱霆，今年再創佳績，打破上屆（2012年美國）500下嘅成績，成功跳出超過520下，打破自己創下嘅世界紀錄！