內地打虎 「牽連」學聯周永康

【明報專訊】曾任中共中央政治局常委嘅「大老虎」周永康被正式公布受查，同名同姓嘅學聯秘書長周永康（Alex，圖）亦被「牽連」——前日內地周永康受查消息一爆出，Alex就已經收到各方好友嘅「問候」短訊，部分人更喺facebook將Alex個名「tag」喺「大老虎」周永康受查嘅消息同報道中。


Alex就話，佢前日肚痛有少少唔舒服，所以無乜點睇新聞。Alex噚日開記者會講佔中事件，而身邊一同開記者會嘅民陣召集人楊政賢就即刻抽水，話唔知記者會嘅消息，會唔會登咗去中國版。