新聞類別
港聞
詳情#
【明報專訊】動漫節噚日煞科，雖然門票加價，但大會話今年5日嘅動漫節有75.2萬人次入場，比上年升3.1%，又創新高。Emily喺結束前幾個鐘行咗個圈，都幾擠迫，唔少參展商減價散貨，有賣動漫武器道具攤位更將原價120蚊嘅道具刀減至20蚊。
首次參展嘅索尼公司（SONY），攤位每日都有人龍，香港及東南亞市場傳訊部助理總經理趙善盈同Emily講，截至噚日4點已賣咗3840部PS4，總營業額有2200幾萬。佢話銷情比預期好成倍，出年積極考慮再搞！
上年暫別一屆嘅樂高（LEGO）今年再度參展，吸引唔少一家大細LEGO迷，其中葉先生夫婦帶埋8歲囝囝嚟揀LEGO（圖），葉先生話今次預算約1000蚊，又話屋企有嘅LEGO總值「冇一萬都有八千」，希望囝囝玩LEGO可訓練思考同眼手協調。
（鄧宗弘攝）
首次參展嘅索尼公司（SONY），攤位每日都有人龍，香港及東南亞市場傳訊部助理總經理趙善盈同Emily講，截至噚日4點已賣咗3840部PS4，總營業額有2200幾萬。佢話銷情比預期好成倍，出年積極考慮再搞！
上年暫別一屆嘅樂高（LEGO）今年再度參展，吸引唔少一家大細LEGO迷，其中葉先生夫婦帶埋8歲囝囝嚟揀LEGO（圖），葉先生話今次預算約1000蚊，又話屋企有嘅LEGO總值「冇一萬都有八千」，希望囝囝玩LEGO可訓練思考同眼手協調。
（鄧宗弘攝）
留言 (0)
