新聞類別
財經
詳情#
【明報專訊】財經記者不時都會返吓大陸睇廠，近日小琴跟輝山乳業（6863）去瀋陽行咗一轉，竟然發現喺當地有座堡壘咁嘅建築物，唔通瀋陽開咗迪士尼？原來呢座堡壘一樣嘅建築物係公司用嚟招呼客人，一直聽人話東北人招待客人好熱情，但勢估唔到熱情成咁囉。
呢個堡壘位於瀋陽一個住宅小區內，十分隱蔽，讀者有興趣第日可以去參觀吓，不過恐怕都唔畀入。輝山老總楊凱就招呼咗記者去私家堡壘食晚飯，一聽之下原來仲係由佢自己親身設計；佢話呢個堡壘專門用來招待一些客戶同貴賓，原來楊總仲有搞地產生意，當年就係呢個住宅區開發商，而家就變咗佢私人資產喎。
住得舒適自然食得招積，楊生請食飯都特別講究，譬如牛排嘅牛係剛剛出生100天嘅公牛仔，韭菜餃子用嘅韭菜，就係用牛糞養殖嘅有機韭菜，認真識食。
email: piano@mingpao.com
[小琴密語]
呢個堡壘位於瀋陽一個住宅小區內，十分隱蔽，讀者有興趣第日可以去參觀吓，不過恐怕都唔畀入。輝山老總楊凱就招呼咗記者去私家堡壘食晚飯，一聽之下原來仲係由佢自己親身設計；佢話呢個堡壘專門用來招待一些客戶同貴賓，原來楊總仲有搞地產生意，當年就係呢個住宅區開發商，而家就變咗佢私人資產喎。
住得舒適自然食得招積，楊生請食飯都特別講究，譬如牛排嘅牛係剛剛出生100天嘅公牛仔，韭菜餃子用嘅韭菜，就係用牛糞養殖嘅有機韭菜，認真識食。
email: piano@mingpao.com
[小琴密語]
留言 (0)
