錯怪掟嘢林鄭向范國威道歉

【明報專訊】泛民激進派喺議會內掟嘢後，政務司長林鄭月娥都會去信立法會譴責事件，點名批評相關議員，好似今個月初特首答問大會，20幾名泛民集體抗議，並發生掟杯事件，林太再去信立法會，當中點名批評新民主同盟范國威多次向特首掟嘢，但林太前日就向范國威道歉。


范去信要求更正

事緣雖然范國威當日係被保安抬走，但佢其實無掟嘢，只係不斷向前行，佢見到咁嘅指控，上星期就去信林太澄清自己無掟嘢，要求林太更正「不實指控」，否則保留法律追究權利。結果，范國威前日就收到行政署長蔡潔如回覆，代林太就事件道歉。