新聞類別
港聞
詳情#
【明報專訊】海洋公園今個月換咗主席，接替盛智文嘅孔令成（Leo，左）為人低調，盛智文一向鍾意扮鬼扮馬，新主席嘅底線可以去到幾盡呢？佢笑住話佢條線無咁盡㗎，仲同接替佢做副主席嘅劉鳴煒（右）異口同聲話盛智文係「the one and the only one」，獨一無二。不過佢哋好着緊公園發展，未來希望搞好人潮分流，等大家唔使咁迫。
望未來搞好人潮分流
細細個就去過美國羅省迪士尼嘅Leo話，嗰時玩space mountain要排隊6個鐘，大家都照排。但今時不同往日，唔可以咁叫人排隊，Leo坦言公園內係有樽頸位，例如海洋劇場行出嚟嘅斜路，希望可以解決佢。
海洋公園研究緊搞Wi-Fi服務，家陣招緊標，事成後可配合推出App，除咗可以有教育資訊，仲有人流信息，等大家知道邊度多人、邊度少人，可以分流吓啲人。
（冼韻姬攝）
望未來搞好人潮分流
細細個就去過美國羅省迪士尼嘅Leo話，嗰時玩space mountain要排隊6個鐘，大家都照排。但今時不同往日，唔可以咁叫人排隊，Leo坦言公園內係有樽頸位，例如海洋劇場行出嚟嘅斜路，希望可以解決佢。
海洋公園研究緊搞Wi-Fi服務，家陣招緊標，事成後可配合推出App，除咗可以有教育資訊，仲有人流信息，等大家知道邊度多人、邊度少人，可以分流吓啲人。
（冼韻姬攝）
留言 (0)
