《明報》消費報道奪兩獎

【明報專訊】消費者委員會噚日頒發一年一度嘅消費權益新聞報道獎，今年《明報》同事攞到新聞組銀、銅兩個獎，分別係銀獎嘅《防搵笨新例》系列報道，揭發超市、美容院同補習社可能違犯新修訂《商品說明條例》嘅不良手法，得獎同事包括港聞組記者錢瑋琪（右起）、周婷同田青青。


拎到銅獎嘅就係透過「放蛇」踢爆藥房標價584蚊出售奶粉嘅《奶粉荒「天價奶粉」系列報道》，有份得獎同事包括港聞組記者黃熙麗（左起）、梁杏怡、邱雅琦、田青青同周婷。Emily喺度恭喜咁多位得獎同事，希望大家再接再勵﹗


（林俊源攝）